

D2060

པ་ཉའི་ནུ་བ་མོ་མཚན་ཕྱེད་ཀྱི་དུས་སུ་འོང་བར་འགྱུར་རོ། །དེ་ནས་འདིས་ནོར་འབུམ་ཕྲག་རེ་སྟེར་རོ། །རྒྱབ་ཏུ་ཁུར་ནས་གླིང་བཞི་སྟོན་པར་བྱེད་དོ། །བཅུད་ལ་སོགས་པ་སྟེར་རོ། །རྣ་ཆ་འཛིན་པའི་ཨ་བ་ཚ་རིའི་སྒྲུབ་ཐབས་རྫོགས་སོ།།[་]@#། །རྒྱ་གར་སྐད་དུ། མ་ནོ་ཧ་རི་སཱ་དྷ་ནཾ། བོད་སྐད་དུ། ཡིད་འཕྲོག་མའི་སྒྲུབ་ཐབས། དེ་ནས་མིའམ་ཅིའི་སྒྲུབ་ཐབས་བཤད་པར་བྱ་སྟེ། ཨོཾ་མ་ནོ་ཧ་རི་སྭཱ་ཧཱ། ཞེས་སོ། །སྔར་གྱི་ཚོགས་བྱས་པའི་གཤིན་རྗེ་གཤེད་ཀྱི་རྣལ་འབྱོར་པས་རིའི་རྩེ་མོར་སྟོང་ཕྲག་བརྒྱད་བཟླས་ཏེ། དེའི་རྗེས་ལ་མཆོད་པ་ཆེན་པོ་བྱས་ཏེ། བའི་ཤ་དང་གུ་གུལ་བསྲེས པའི་བདུག་སྤོས་བཏང་ཞིང་།ཇི་སྲིད་མ་བྱུང་བ་དེ་སྲིད་གྱི་བར་དུ་བཟླས་པས་དེ་ནས་ནམ་ཕྱེད་ཀྱི་དུས་སུ་མིའམ་ཅིའི་བུ་མོ་དེ་རང་འོང་བར་འགྱུར་རོ། །དེ་ལ་འཇིགས་པ་མི་བྱའོ། །སྒྲུབ་པ་པོ་ཁྱེད་ཀྱིས་བདག་ལ་བཀའ་བསྒོ་བ་མཛད་དུ་གསོལ་ཞེས་ཟེར་ན། བཟང་མོ་ཁྱོད་བདག་གི་ཆུང་མ་གྱིས་ཤིག་ ་ཅེས་བརྗོད་དོ།